الجزء الثاني من قصة مسلسل ناروتو شيبودن

السلام عليكم

الجزء الثاني من القصه :
لايكون طولت عليكم ترا انا ماني فاضي عندي مؤتمرات كثيره العذر والسموحه
(قام ينصب البزر ما اقولكم لاتعطونه وجه قال ايش قال مؤتمرات قال
والله ماعندك الا ملاحق البساس يالكلب)
المهم بعد ما لعنة ساكورا اورتشيمارو قام يعظ اي شي يشوفه قدامه ألين وصل لكابوتو وهو اللي يعظه مع فخذه وهو اللي يصكه بطراق على وجهه (وش فيك انت وراسك يالحية وش تبي ما تشوفني مشغول اصلح راس المعسل )
واذا بدموع اورتشيمارو تنهمر على كابوتو كالسيل العارم وكابوتو يتمسك بالشجره خلاص خلاص من اللي طقك يابابا عاد تعرفون اورتشيمارو قعد يمسح دموعه ويفغص (بمعنى يضغط) عيونه مسوي دلع وكابوتو يصكه كف وش فيك انت وش فيك؟؟؟؟ هاه ألحين جاي ومخرب على جوي وقاعد تدلع عندي من اللي ضربك قال هذي ساكورا الملعونه وهي تناظره نظرات الحقد والشرر يتطاير من عينها كابوتو يقول لاورتشيمارو هالبزر تصفقك افا ماهقيتها منك قاله انت السبب كابوتو يقوله ليش يرد عليه اورتشيمارو انت اللي عطيتني هالخلطه تقولي زينه وهي كلها كحول كم مره اقولك لاتحط لي خمر بالشيشه ماتفهم انت ياكلب ياواطي ياحقير عاد كابوتو عصب يقول لاورتشيمارو حقي جزاي اللي اسويلك الكيف حقك هذا جزا المعروف سبعة كفوف طيب اوريك وسوى عليه قينجتسو وخلاه وينام ويروح كابوتو لساكورا ليه تضربينه مهو عيب عليكي هاه رجال قد ابوكي وتضربينه بنات اخر زمن!!!!!!!.... ( وهو بقلبه يرتعد من الخوف ) وعاد هو عرف من اين تؤكل الكتف وساكورا تعصب وتمسكه تمحطه بس ما نفع وهي اللي تروح لناروتو يالله انت ورنا جودك(بمعنى همتك) يالله قم صطره مع خشته انت خايف من ساسكي يالله جبتلك كابوتو قم صفقه اذا كان فيك خير وهو اللي يتهيظ(يتحمس) ويروحله هيه هيه وشفيك على ساكورا هاه ياعبد اورتشيمارو عصب كابوتو ومسي قوي والله ماغير العبد يالمنبوذ قفلت مع ناروتو ويمسك لكابوتو ويصفقه ويلعن الطيب من اصله عاد كابوتو يوم تكمخ راح لساسكي تكفى ياولد العم يبي يثير حس النخوه عنده وساسكي اللي يكسحه وش تبي رح لؤرتشيمارو اللي تدافع له دايم يالله خله ينفعك ألحين ولا اذا وقع الفاس بالراس جيتو عندي .
كابوتو يقول لساسكي: ((اقول ورا ماتنطم انت شفتني ساكت لك فتحت مع نفسك الله يلعن ام المبزره تعلمت كم تقنيه قمت تتقوى علينا انت والشرينقان حقك والله ماينفع لك الا ايتاتشي اللي ذبح قبيلتكم وانت ما قلت شي يالرخمه يالورع))
ساسكي يوم سمع اسم ايتاتشي قفلة معه ويمسك كابوتو ويقلع رقبته انا رخمه ياللقيط هاه ويقطعه بتشيدوري وناروتو رايح عندساكورا يتفقعن هه والله مافيه اظعف منهم وساسكي اللي تقولين خايف منه وينه الرخمه والله يوم شافني هج بعيد(هرب) وساكورا تقول بتردد ووووين اللللليييي هج وهو وراك هاه؟
ناروتو صنْم ويلف رقبته شوي شوي هاااااااااااااه سااااااااسكيييييي والله ماكان قصدي أناأنا...
ساسكي: اسكت من اللي هج ياورع هاه منهو اللي هج؟
ناروتو والله ما كان قصدي عليك وساسكي يصكه كف انا اهج يابزر وناروتو يطيح بالارض وطوَل الطيحه وشوي يقوم يقول لساسكي بكل ثقه زي ما هجيت من كونوها ولا نسيت انك حقود وواطي وساسكي يعصب والله انت ماينفع فيك الا القوه ويطلع تشيدوي وناروتو يطلع الراسينقان وتصطدم ببعضها البعض ولاكن تشيدوري اقوى من الراسينقان لانه بالمرحله الكامله ناروتو يطيح بالارض ساسكي طلع السييف بيضرب ناروتو وناروتو يقوم بسرعه ويقول لكيوبي عطني قوتك يالشرير وهو اللي يمده بقوته ومسك ساسكي ويلعنه ويلعن خامس خامسه ساسكي يستخدم الشرينقان بس ماتنفع تجي ساكور تضرب ناروتو كف ليش كذا ليش حنا جاين نرجعه موب نقتله خلاص وقف خل نرجعه معنا وهو طيب خلاص علشانك بس ماقتلته يالله ربطيه ربطيه
وساكورا تربطه وياخذونه معهم ناروتو يطقطق على ساسكي هاه ياحلو ايش تبغى دحينا حلاوه مصاص ولا قطن ساكورا تقول لناروتو خلاص اهجد ياورع لا العن امك هنا
ناروتو طيب خلاص ساسكي قافله معه ينادي هيه ساكورا هيه وصمخ
ساكورا: هلا ساسكي بغيت شي ساسكي ايه بغيت وش بغيت ياعوني ابغاكي تفكين الحبل
ساكوراابشر ياقلبي بس ليه ؟ عشان عور ايدي فكيه والله ما اشرد والله طيب ياقلبي تجي بتفكه وناروتو يجي وش تسوين انتي هي تقول ابي افك الحبل عور يدين ساسكي ناروتو عصب وش تقولين اقلبي وجهك من هنا يالله يلعن ام المخفات
ساسكي يستفز ناروتو ليه خايف تفكه وألعنك؟! يالرخمه ناروتو عصب قفلة معاه لا انا اللي افكه واشوف وش تبي تسوي يالورع فك الحبل اول مافكه ساسكي طلع الشرينقان ونومهم بالقينجتسو وهج منهم وهم عن باب كونوها وتركهم نايمين ألين مرت تسونادي بالدوريه وحصلتهم نايمين عند الباب وهي مستغربه وش اللي فيهم صحتهم وناروتو يقوم بسرعه مستغرب وين حنا فيه وين ساسكي وينه هاه تسونادي وينه تكفين ردي
تسونادي مستغربه وشفيك انت ؟
ساكورا ناااارتووو وش اللي سويته هاه يالملعون وتصفقه وتلعن خيره
طبعا ياماتو قاعد يقول لتسونادي القصه ومافيها
وساي مثل عوايده مثل الاطرش بالزفه
وناروتو جالس يتكمخ من ساكورا مافكه الا تسونادي
هذا وانتهت القصه بحمد الله ومنه
اعطوني رايكم فيها
محبكم مجنون انمي 1
مع تحياتي لاتنسو تعطوني رايكم وترا هذي اول قصه اكتبها